“Qanday qilib ahmoq Mxitaryan Sanchesning o‘rnida o‘ynashi mumkin?”. Arturo Vidal Aleksis Sanchesning “Inter”da o‘yin amaliyotisiz qolayotgani haqida gapirdi

Chililik futbolchi Arturo Vidal “Inter” a’zosi Aleksis Sanchesga jamoani tark etishni maslahat berdi.

“Aleksis, agar meni eshitayotgan bo‘lsang, iltimos, “Inter”dan ket.

 U Italiyaga qaytmasligi kerak edi. U zavq oladigan va uni hurmat qiladigan joyda o‘ynashi lozim edi, biroq Aleksis injiq. 

Mxitaryan? Qanday qilib u ahmoq Aleksisning o‘rniga o‘ynashi mumkin? U maydonda, Sanches esa yo‘q. Bu ahmoqlik.

Lautaro yaxshi futbolchi, biroq Aleksis maydonga tushishi kerak. Qanaqasiga uni 81-daqiqagacha maydonga tushirmaslik mumkin? Uni “River Pleyt”ga o‘tishini istardim”, — deydi Sanchesning Chilidagi jamoadoshi Vidal. 

Sanches joriy mavsum A Seriyada 8 ta o‘yinda maydonga tushdi va birorta golli vaziyatda ishtirok etgani yo‘q.