“Қандай қилиб аҳмоқ Мхитарян Санчеснинг ўрнида ўйнаши мумкин?”. Артуро Видаль Алексис Санчеснинг “Интер”да ўйин амалиётисиз қолаётгани ҳақида гапирди

Чилилик футболчи Артуро Видаль “Интер” аъзоси Алексис Санчесга жамоани тарк этишни маслаҳат берди.

“Алексис, агар мени эшитаётган бўлсанг, илтимос, “Интер”дан кет.

 У Италияга қайтмаслиги керак эди. У завқ оладиган ва уни ҳурмат қиладиган жойда ўйнаши лозим эди, бироқ Алексис инжиқ. 

Мхитарян? Қандай қилиб у аҳмоқ Алексиснинг ўрнига ўйнаши мумкин? У майдонда, Санчес эса йўқ. Бу аҳмоқлик.

Лаутаро яхши футболчи, бироқ Алексис майдонга тушиши керак. Қанақасига уни 81-дақиқагача майдонга туширмаслик мумкин? Уни “Ривер Плейт”га ўтишини истардим”, — дейди Санчеснинг Чилидаги жамоадоши Видаль. 

Санчес жорий мавсум А Серияда 8 та ўйинда майдонга тушди ва бирорта голли вазиятда иштирок этгани йўқ.