Toshkent viloyatida avtobus bilan to‘qnashgan Cobalt yonib ketdi (video)

Toshkent viloyati Olmaliq shahrida avtobus bilan to‘qnashgan Cobalt yonib ketdi. Viloyat IIBB axborot xizmati holat yuzasidan ma’lumot berdi. 

Unga ko‘ra,  8-noyabr kuni soat taxminan 07:20 larda Olmaliq shahar Totuvlik va Ehtirom ko‘chalari kesishgan chorrahada (24 yoshli haydovi A.G‘. boshqaruvida bo‘lgan) Cobalt va (56 yoshli haydovchi S.S. boshqaruvida bo‘lgan) Isuzu avtobusi ishtirokida yo‘l-transport hodisasi sodir bo‘lgan.

YTH natijasida tan jarohati olganlar yo‘q. Cobalt transport vositasining motor qismida qisqa tutashuv sodir bo‘lishi oqibatida avtoulov qisman yongan. Yong‘in qisqa muddat ichida hududiy FVB tomonidan bartaraf etilgan.

Hozirda holat yuzasidan Toshkent viloyati IIBB JXX YHXB tomonidan surishtiruv olib borilmoqda.