Toshkent viloyati hokimi Zoir Mirzayev topshiriq ijrosini ta’minlamagan xodimga nisbatan qattiqqo‘l rahbar ekanini, bunday xodimlarni hokimlik tizimidan bo‘shatishini ma’lum qildi. Bu haqda hokim “Daryo” jurnalisti bilan bo‘lgan suhbatida gapirib berdi.
Hamma vaqt ham yumshoq gap bilan topshiriq bajarilmaydi. Aslida ishlab turgan rahbar, u qaysi soha egasi bo‘lishidan qat’i nazar ma’naviyati yuqori bo‘lsa, mas’uliyati joyida bo‘lsa, Toshkent viloyatining ertangi kuni uchun yuragi kuyadigan inson bo‘lsa, unga ikki og‘iz gap yetarli. Lekin hammaga ham ikki og‘iz shirin gap bilan topshiriqni bajarishi kerakligini yetkaza olmaysiz. Vaqti kelganda qattiqqo‘llik kerak. Ijrosini bajarmagan inson uchun qattiqman. Ikkinchidan men qog‘oz bilan ishlab, topshiriq ijrosini vaqtida bajara olmaydigan xodimni hurmat qilmayman. Uni hokimiyat tizimida ko‘p ushlab turish kerak emas, — deydi Zoir Mirzayev.
![](/static/2024/01/01/Hokim.00_07_45_30.Still010-2KG7emgA.jpg)
Toshkent viloyati hokimining aytishicha, bugungi kun rahbari avvalo faoliyat yuritayotgan hokimlik binosini, ishonib topshirilgan amalni hurmat qilib, olayotgan maoshini oqlashi kerak.
![](/static/2024/01/01/Hokim.00_00_38_14.Still003-lpDnifUo.jpg)
Qattiqqo‘llik bo‘lmagan joyda ish yurishmaydi. Har doim ham temir intizom, so‘rov bo‘lishi kerak. Vaqti kelganda chiroyli gapirasiz, lekin qattiqqo‘llik bo‘lmagan joyda mening nazarimda ish ketmaydi. Kimga yoqadi, kimga yoqmaydi bu ikkinchi darajali, — deydi u.
![](/static/2024/01/01/Hokim.00_00_43_21.Still004-IwUr0g5A.jpg)
Hokimning ta’kidlashicha, dunyodagi hech qaysi davlat qattiqqo‘llik va temir intizomsiz natijaga erishmagan.
![](/static/2024/01/01/Hokim.00_00_22_43.Still001-nyulIMbK.jpg)