Тошкент вилояти ҳокими Зоир Мирзаев топшириқ ижросини таъминламаган ходимга нисбатан қаттиққўл раҳбар эканини, бундай ходимларни ҳокимлик тизимидан бўшатишини маълум қилди. Бу ҳақда ҳоким “Дарё” журналисти билан бўлган суҳбатида гапириб берди.
Ҳамма вақт ҳам юмшоқ гап билан топшириқ бажарилмайди. Аслида ишлаб турган раҳбар, у қайси соҳа эгаси бўлишидан қатъи назар маънавияти юқори бўлса, масъулияти жойида бўлса, Тошкент вилоятининг эртанги куни учун юраги куядиган инсон бўлса, унга икки оғиз гап етарли. Лекин ҳаммага ҳам икки оғиз ширин гап билан топшириқни бажариши кераклигини етказа олмайсиз. Вақти келганда қаттиққўллик керак. Ижросини бажармаган инсон учун қаттиқман. Иккинчидан мен қоғоз билан ишлаб, топшириқ ижросини вақтида бажара олмайдиган ходимни ҳурмат қилмайман. Уни ҳокимият тизимида кўп ушлаб туриш керак эмас, — дейди Зоир Мирзаев.
![](/static/2024/01/01/Hokim.00_07_45_30.Still010-2KG7emgA.jpg)
Тошкент вилояти ҳокимининг айтишича, бугунги кун раҳбари аввало фаолият юритаётган ҳокимлик биносини, ишониб топширилган амални ҳурмат қилиб, олаётган маошини оқлаши керак.
![](/static/2024/01/01/Hokim.00_00_38_14.Still003-lpDnifUo.jpg)
Қаттиққўллик бўлмаган жойда иш юришмайди. Ҳар доим ҳам темир интизом, сўров бўлиши керак. Вақти келганда чиройли гапирасиз, лекин қаттиққўллик бўлмаган жойда менинг назаримда иш кетмайди. Кимга ёқади, кимга ёқмайди бу иккинчи даражали, — дейди у.
![](/static/2024/01/01/Hokim.00_00_43_21.Still004-IwUr0g5A.jpg)
Ҳокимнинг таъкидлашича, дунёдаги ҳеч қайси давлат қаттиққўллик ва темир интизомсиз натижага эришмаган.
![](/static/2024/01/01/Hokim.00_00_22_43.Still001-nyulIMbK.jpg)