Rossiya prezidenti Vladimir Putin hozircha AQSH yetakchisi Jo Bayden bilan telefon orqali muloqot qilishni rejalashtirmayapti. Bu haqda Rossiya prezidenti matbuot kotibi Dmitriy Peskov matbuot anjumani chog‘ida ma’lum qildi.
Ikki prezident o‘rtasidagi so‘nggi telefon muloqoti 2022-yil 12-fevralda bo‘lib o‘tgan. Ularning so‘nggi shaxsiy uchrashuvi 2021-yilning yozida Jenevada tashkil etilgandi.
Prezidentlar o‘rtasidagi suhbat bo‘lishi mumkinligi haqidagi savolga Kreml rasmiysi “Yo‘q” deb javob berdi. Bu savol Rossiya mudofaa vaziri Andrey Belousov va Pentagon rahbari Lloyd Ostinning bir kun avval, 25-iyun kuni bo‘lib o‘tgan suhbati munosabati bilan berilgandi.
Kecha, 25-iyun kuni AQSH va Rossiya mudofaa vazirlari Lloyd Ostin va Andrey Belousov Amerika tomoni tashabbusi bilan telefon orqali muloqot qilishdi. Rossiya harbiy boshqarmasi maʼlumotlariga ko‘ra, tomonlar Ukrainadagi mojaroni muhokama qilgan. Suhbat chog‘ida Ostin AQSH va Rossiya harbiylari o‘rtasidagi aloqani saqlab qolish muhimligi haqida gapirdi. Bu Lloyd Ostinning Andrey Belousov bilan mudofaa vaziri etib tayinlanganidan beri birinchi suhbati.
Andrey Belousov AQSH mudofaa vazirlari Ukraina Qurolli kuchlariga Amerika qurollarini yetkazib berish davom etishi fonida vaziyatning yanada keskinlashishi xavfi borligini ta’kidladi.
Izoh (0)