Yevropa Ittifoqining doimiy vakillari Belarusga qarshi navbatdagi sanksiyalar paketi bo‘yicha konsensusga erishdi, deyiladi Yevropa Ittifoqi kengashining bayonotida.
“Yevropa Ittifoqining doimiy vakillari Belarusga qarshi yangi sanksiyalar paketi bo‘yicha prinsipial kelishuvga erishdilar”, — deyiladi X ijtimoiy tarmog‘idagi raislik xabarida.
Unda qayd etilishicha, choralar, xususan, amaldagi sanksiyalarga rioya qilishni kuchaytirishga qaratilgan.
O‘tgan hafta Politico manbalariga tayanib, Yevropa Ittifoqining doimiy vakillari Belarusga qarshi sanksiyalar, jumladan, hashamatli mahsulotlar yetkazib berishni taqiqlash bo‘yicha kelisha olmagani haqida xabar bergandi.
“Tomonlar Belarusga nisbatan Rossiyaga qo‘llangan choralarga o‘xshash choralarni joriy etish taklifi ustida hali ham bahslashmoqda”, — deyilgandi o‘sha xabarda.
Shu hafta boshida Yevropa Ittifoqining Rossiyaga qarshi 14-sanksiyalar paketi kuchga kirdi.
Izoh (0)