O‘zbekistonda yuk ko‘tarish quvvati 10 tonnadan yuqori transport vositalari va tirkamalarga yig‘im joriy etiladi. Bu haqda 2024-yil uchun O‘zbekiston davlat budjeti to‘g‘risidagi qonunda belgilandi.
![](/static/2023/12/29/photo_2022-01-20_11-01-09-IUqgSBhN.jpg)
Unga ko‘ra, yuk ko‘tarish quvvati 10 tonnadan yuqori bo‘lgan yuk avtotransport vositalari va tirkamalarining avtomobil yo‘llari bo‘ylab harakatlanish huquqi uchun yig‘imlar stavkalari quyidagicha bo‘ladi:
- yuk ko‘tarish quvvati 10 tonnadan 25 tonnagacha bo‘lsa — BHMning 5 baravari (1,7 mln so‘m);
- yuk ko‘tarish quvvati 25 tonnadan 35 tonnagacha bo‘lsa — BHMning 8 baravari (2,72 mln so‘m);
- yuk ko‘tarish quvvati 35 tonna va undan yuqori bo‘lsa — BHMning 10 baravari (3,4 mln so‘m).
Soliq qo‘mitasining ma’lum qilishicha, ushbu yig‘imlar 2024-yil 1-apreldan boshlab Transport vazirligining hududiy boshqarmalari tomonidan undirilishi ko‘zda tutilgan.