Turkmaniston savdo aloqalarini kengaytirish uchun Afg‘oniston va Turkmaniston o‘rtasida qo‘shma savdo palatasini tashkil etmoqchi, deb xabar berdi Avapress nashri.
“Tolibon” harakatining Turkmanistondagi elchisi Fazl Muhammad Sobir savdogarlar bilan uchrashuvda Afg‘onistonning Ashxoboddagi elchixonasi savdo va sarmoya jarayonini kengaytirish maqsadida ikki davlat savdogarlariga qulaylik yaratishga intilayotganini aytdi.
Shuningdek, u Afg‘oniston va Turkmaniston o‘rtasidagi savdo almashinuvini kengaytirish temiryo‘l orqali qo‘shimcha imkoniyatlar yaratishga qaratilgan saʼy-harakatlardan biri ekanini qo‘shimcha qildi.
“Tolibon”ning Turkmanistondagi elchisi Turkmanistondan Afg‘oniston orqali Pokiston va Hindistonga gaz o‘tkazish loyihasini amalga oshirish bo‘yicha sa’y-harakatlar ham davom etayotganini ma’lum qildi.
Izoh (0)