Qirg‘izistonning Bishkek shahrida stomatologga tishlarini tozalatish uchun borgan 3 yoshli qizcha vafot etdi. Bu haqda “AKIpress” xabar berdi.
Holat yuzasidan buvisi politsiyaga murojaat qilgan. U tibbiyot xodimlari o‘z kasbiy burchlarini lozim darajada bajarmaganliklari sababli uning nabirasi vafot etganini bildirgan.
Mazkur holat yuzasidan Qirg‘iziston Jinoyat kodeksining 146-moddasi (tibbiyot yoki farmatsevtika xodimining kasbiy majburiyatlarini lozim darajada bajarmaganligi) bilan jinoyat ishi qo‘zg‘atilgan. Ekspertiza natijalariga ko‘ra huquqiy baho beriladi.
Ta’kidlanishicha, ota uch yashar qizini “tishlarini tozalatish” uchun stomatologga olib kelgan, qizga umumiy narkoz qilingan, shundan keyin u uyg‘onmagan.
Qirg‘iziston Sog‘liqni saqlash vazirligi o‘lim fakti bo‘yicha vazir maslahatchisi boshchiligida komissiya tuzilganini ma’lum qildi. Jabrlanuvchilar borgan stomatologiya klinikasi faoliyati ushbu ishning holatlari aniqlanguniga qadar to‘xtatildi.
Izoh (0)