Toshkentdagi xonadonda yuz bergan yong‘inda ayol va uning ikki qizi halok bo‘lgani haqida xabar berilgandi. Marhumaning tog‘asi hodisa haqida aytib berdi.
Voqea Yashnobod tumanidagi xonadonlarning birida 18-dekabr kuni yuz bergan, holat aks etgan video ijtimoiy tarmoqlarda tarqalgandi.
Maʼlum bo‘lishicha, ushbu yong‘indan 28 yoshli ayol hamda uning 8 va 5 yoshdagi ikki qizi vafot etgan. Holat yuzasidan Jinoyat kodeksining 259-moddasi (yong‘in xavfsizligi qoidalarini buzish) bilan jinoyat ishi qo‘zg‘atilgan.
“Shunaqa alanga oldiki, 20 daqiqaga qolmay to‘kilib tushdi. Ichida singlimning qizi — jiyanim ikki bolasi bilan qolib ketdi. Kuyovimiz ikkitasini olib chiqib qolgan”, — deydi marhumaning tog‘asi.
Voqea joyiga yong‘in-qutqaruv ekipaji besh daqiqada yetib borgan. Yong‘in 8:00 da to‘liq o‘chirilgan. Yetib borganda aytilgan manzilda tom va ichki qism to‘liq yonayotgani aniqlangan. Olov 20 daqiqa ichida bartaraf etilgan. Ammo tez yordam xizmati yetib kelganida vayronalar ostida qolgan oilaning uch nafar aʼzosining jonsiz tanasi olib chiqilgan.
Izoh (0)