Farg‘ona viloyati Qo‘qon shahrida o‘tkazilgan tezkor tadbir davomida o‘z xonadonida giyohvand moddalar saqlab kelayotgan shaxs qo‘lga olindi, deb xabar beradi viloyat IIB axborot xizmati.
Ma’lum qilinishicha, Farg‘ona viloyati IIB, Qo‘qon shahar IIB tezkor xodimlari tomonidan huquq-tartibot organlari bilan hamkorlikda tezkor tadbir o‘tkazilgan. Tadbir davomida 1972-yilda Dang‘ara tumanida tug‘ilgan, Qo‘qon shahar Bobur ko‘chasida yashovchi fuqaro B.Y.ning yashash manzili ko‘zdan kechirilgan. Tekshiruv davomida uning og‘ilxonasida 1 kilogramm opiy va 50 gramm marixuana giyohvand moddalarini kelgusida o‘tkazish maqsadini ko‘zlab, saqlab kelayotgani aniqlangan va hujjatlar rasmiylashtirilgan.
Mazkur holat yuzasidan Jinoyat kodeksining 25, 273-moddasi (giyovandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish) 5-qismi tartibida hujjatlar rasmiylashtirilib, tergovga qadar tekshiruv harakatlari olib borilmoqda.
Avvalroq Farg‘onada 17 yoshli bola yashayotgan uydan 30 kilodan ortiq narkotik moddalar topilgani to‘g‘risida xabar berilgandi.
Izoh (0)