O‘zbekistonda mahsulot va xizmatlar haqida sharh qoldirish imkonini beruvchi yagona platforma ishga tushdi. Endilikda iste’molchilar har bir xizmat ko‘rsatuvchi haqidagi sharhlarini turli ijtimoiy tarmoq yoki saytlarda emas, balki bir joyning o‘zidan bildirish imkoniga ega bo‘ladi. “Commeta” ekotizimining bir qismi bo‘lmish ilova shaklida faoliyat yurituvchi “Sharh” platformasida foydalanuvchilar 150 dan ortiq toifadagi mahsulot hamda xizmatlar haqidagi fikrlari, tanqid yoki shikoyatlari bilan birgalikda ularning afzalliklari haqida ham yozib qoldirishlari, boshqa foydalanuvchilarni ogohlantirishi mumkin. Ilova sun’iy intellektga asoslangan boshqaruv mexanizmi bilan ishlaydi.
Hozirda platformada aholi uchun zarur bo‘lgan ta’lim, moliya-sug‘urta, oziq-ovqat, biznes xizmatlari, qurilish, transport, sog‘liqni saqlash, kommunal, umumiy ovqatlanish maskanlari, maishiy xizmatlar va boshqa shu kabi ijtimoiy sohalarda xizmatlarini taklif etuvchilar haqida sharh yozib qoldirish imkoniyati mavjud. Ilova ishlab chiqaruvchilarining “Daryo”ga bergan izohiga ko‘ra, bunday shakldagi onlayn hudud yaratilishiga qayta aloqaning ishonchli mexanizmi yo‘qligi, iste’molchilarning biznesga ta’siri, ularning ishonchi, shaffoflikka ehtiyoj borligi, turli noma’lum manbalardagi yolg‘on, asossiz sharhlarning ko‘payishi kabi omillar sabab bo‘lgan.
Ta’kidlash kerakki, foydalanuvchilar birinchi galda ayni platforma orqali xizmat ko‘rsatuvchi bilan yuzaga kelgan muammoli masalalarini hal etish, o‘zlariga taqdim etilayotgan xizmat sifatini yaxshilash, izohlar ko‘lamiga qarab turli xizmat toifalaridagi eng yaxshi reytinga ega kompaniya hamda tashkilotlarni bilib olishga erishishadi.
Bundan tashqari yozib qoldirilgan ilk sharh uchun 20 ming so‘m miqdorida mukofot, keyinchalik sifatli izoh yozishdagi faollik darajasiga muvofiq muntazam ravishda bir qator “Muvaffaqiyatlar” to‘plashi mumkin. Ushbu to‘plangan yutuqlar foydalanuvchiga ma’lum miqdorlardagi pulli rag‘batlantiruvchi bonuslar olishga yo‘l ochadi. Ma’lum bir toifadagi sharhlar soni bilan o‘lchanadigan mezon asosida foydalanuvchi “Mutaxassis”, “Guru”, “Yulduz”, “Gurman”, “Stilist”, “Chempion”, “Hayvonlarning do‘sti”, “Daho” va hokazo unvonlar hamda ularga belgilangan pulli mukofotlarga ega bo‘ladi.
Ilova biznes egalari uchun maqsadli auditoriyasining talab va istaklarini chamalash, aniqlash va shunga mos yo‘nalish asosida ko‘rsatayotgan xizmat sifatini yaxshilash uchun vositalar taqdim etadi. Platformaning “Biznes uchun” ruknida xizmat ko‘rsatuvchilar foydalanuvchilarning o‘z biznesiga munosabatini raqam, tahlil va dalillar asosida bilib boradi. Va albatta raqobatchilarining xizmatlariga bildirilayotgan sharhlar, taklif-mulohazalarni kuzatishi mumkin. Xizmat sifatining aniq dalillarga asoslangan tahlili kelgusida xizmat ko‘rsatuvchilar o‘rtasidagi raqobatbardoshlikni oshirib aholiga sifatli mahsulot taqdim etishga ko‘maklashadi.
“Sharh” ilovasida mutaxassislar reytingi ham mavjud. Reyting xizmat ko‘rsatuvchi kompaniya yoki tashkilot, markazlarning yo‘nalishidan kelib chiqqan holda aynan o‘sha sohalarning mutaxassis va ekspertlarini jalb etgan holda tuziladi. Reytingning asosiy vazifasi sohadagi yetakchi xizmat ko‘rsatuvchilarni e’tirof etish orqali foydalanuvchilarga tanlov borasida ko‘maklashish, biznes egalariga esa o‘z ustida ishlashga turtki berishdan iborat.
Yaqin orada “Commeta” ekotizimining ijtimoiy maqsadlarga yo‘naltirilgan xayriya, shou-biznes, metsenat, ayollar salomatligi kabi yo‘nalishlardagi loyihalariga ham start berilishi ko‘zda tutilmoqda. Ular yuqoridagi platforma kabi aholining umumiy hayot darajasini oshirish, turmushini yengillashtirish, sifatli xordiq chiqarishga qaratilgan loyihalarni qo‘llab-quvvatlashni ko‘zda tutadi.
“Commeta” ekotizimimiz asosan ijtimoiy soha yo‘nalishlarini avtomatlashtirish hamda rivojlanishga qaratilgan. Kelayotgan 2-4 yil ichida 13 yo‘nalishni o‘z ichiga qamrab oladigan loyihamiz - “super app” ko‘rinishida foydalanuvchilarga xilma-xil xizmatlardan iborat ekotizimni taqdim etamiz”.
Sardor Berdiyev, CEO “Commeta”
Ilovani Android uchun yuklab olish
Ilovani iOS uchun yuklab olish
Reklama huquqi asosida.
Izoh (0)