Ўзбекистонда маҳсулот ва хизматлар ҳақида шарҳ қолдириш имконини берувчи ягона платформа ишга тушди. Эндиликда истеъмолчилар ҳар бир хизмат кўрсатувчи ҳақидаги шарҳларини турли ижтимоий тармоқ ёки сайтларда эмас, балки бир жойнинг ўзидан билдириш имконига эга бўлади. “Cоммета” экотизимининг бир қисми бўлмиш илова шаклида фаолият юритувчи “Шарҳ” платформасида фойдаланувчилар 150 дан ортиқ тоифадаги маҳсулот ҳамда хизматлар ҳақидаги фикрлари, танқид ёки шикоятлари билан биргаликда уларнинг афзалликлари ҳақида ҳам ёзиб қолдиришлари, бошқа фойдаланувчиларни огоҳлантириши мумкин. Илова сунъий интеллектга асосланган бошқарув механизми билан ишлайди.
Ҳозирда платформада аҳоли учун зарур бўлган таълим, молия-суғурта, озиқ-овқат, бизнес хизматлари, қурилиш, транспорт, соғлиқни сақлаш, коммунал, умумий овқатланиш масканлари, маиший хизматлар ва бошқа шу каби ижтимоий соҳаларда хизматларини таклиф этувчилар ҳақида шарҳ ёзиб қолдириш имконияти мавжуд. Илова ишлаб чиқарувчиларининг “Дарё”га берган изоҳига кўра, бундай шаклдаги онлайн ҳудуд яратилишига қайта алоқанинг ишончли механизми йўқлиги, истеъмолчиларнинг бизнесга таъсири, уларнинг ишончи, шаффофликка эҳтиёж борлиги, турли номаълум манбалардаги ёлғон, асоссиз шарҳларнинг кўпайиши каби омиллар сабаб бўлган.
Таъкидлаш керакки, фойдаланувчилар биринчи галда айни платформа орқали хизмат кўрсатувчи билан юзага келган муаммоли масалаларини ҳал этиш, ўзларига тақдим этилаётган хизмат сифатини яхшилаш, изоҳлар кўламига қараб турли хизмат тоифаларидаги энг яхши рейтинга эга компания ҳамда ташкилотларни билиб олишга эришишади.
Бундан ташқари ёзиб қолдирилган илк шарҳ учун 20 минг сўм миқдорида мукофот, кейинчалик сифатли изоҳ ёзишдаги фаоллик даражасига мувофиқ мунтазам равишда бир қатор “Муваффақиятлар” тўплаши мумкин. Ушбу тўпланган ютуқлар фойдаланувчига маълум миқдорлардаги пулли рағбатлантирувчи бонуслар олишга йўл очади. Маълум бир тоифадаги шарҳлар сони билан ўлчанадиган мезон асосида фойдаланувчи “Мутахассис”, “Гуру”, “Юлдуз”, “Гурман”, “Стилист”, “Чемпион”, “Ҳайвонларнинг дўсти”, “Даҳо” ва ҳоказо унвонлар ҳамда уларга белгиланган пулли мукофотларга эга бўлади.
Илова бизнес эгалари учун мақсадли аудиториясининг талаб ва истакларини чамалаш, аниқлаш ва шунга мос йўналиш асосида кўрсатаётган хизмат сифатини яхшилаш учун воситалар тақдим этади. Платформанинг “Бизнес учун” рукнида хизмат кўрсатувчилар фойдаланувчиларнинг ўз бизнесига муносабатини рақам, таҳлил ва далиллар асосида билиб боради. Ва албатта рақобатчиларининг хизматларига билдирилаётган шарҳлар, таклиф-мулоҳазаларни кузатиши мумкин. Хизмат сифатининг аниқ далилларга асосланган таҳлили келгусида хизмат кўрсатувчилар ўртасидаги рақобатбардошликни ошириб аҳолига сифатли маҳсулот тақдим этишга кўмаклашади.
“Шарҳ” иловасида мутахассислар рейтинги ҳам мавжуд. Рейтинг хизмат кўрсатувчи компания ёки ташкилот, марказларнинг йўналишидан келиб чиққан ҳолда айнан ўша соҳаларнинг мутахассис ва экспертларини жалб этган ҳолда тузилади. Рейтингнинг асосий вазифаси соҳадаги етакчи хизмат кўрсатувчиларни эътироф этиш орқали фойдаланувчиларга танлов борасида кўмаклашиш, бизнес эгаларига эса ўз устида ишлашга туртки беришдан иборат.
Яқин орада “Cоммета” экотизимининг ижтимоий мақсадларга йўналтирилган хайрия, шоу-бизнес, меценат, аёллар саломатлиги каби йўналишлардаги лойиҳаларига ҳам старт берилиши кўзда тутилмоқда. Улар юқоридаги платформа каби аҳолининг умумий ҳаёт даражасини ошириш, турмушини енгиллаштириш, сифатли хордиқ чиқаришга қаратилган лойиҳаларни қўллаб-қувватлашни кўзда тутади.
“Cоммета” экотизимимиз асосан ижтимоий соҳа йўналишларини автоматлаштириш ҳамда ривожланишга қаратилган. Келаётган 2-4 йил ичида 13 йўналишни ўз ичига қамраб оладиган лойиҳамиз - “супер апп” кўринишида фойдаланувчиларга хилма-хил хизматлардан иборат экотизимни тақдим этамиз”.
Сардор Бердиев, CEO “Cоммета”
Иловани Android учун юклаб олиш
Иловани iOS учун юклаб олиш
Реклама ҳуқуқи асосида.
Изоҳ (0)