Yevropa Ligasi. “Liverpul” so‘nggi turda mag‘lub bo‘ldi, “Roma” o‘zida Moldova klubi ustidan yirik hisobda g‘alaba qozondi

Futbol bo‘yicha Yevropa Ligasining 6-turidan o‘rin olgan o‘yinlar 14-dekabr, payshanba kuni bo‘lib o‘tdi.

E guruhida 1-o‘rinni naqd qilgan “Liverpul” safarda “Yunion” mehmoni bo‘ldi. Uchrashuvning 32-daqiqasida mezbonlar futbolchisi Amura hisobni ochdi. 39-daqiqada mersisaydliklar futbolchisi Kuansa muvozanatni tikladi. Birinchi bo‘lim oxirida Kameron Puertas “Yunion”ni hisobda oldinga olib chiqdi. Ikkinchi bo‘limda darvozalar ishg‘ol etilmadi va uchrashuv 2:1 hisobida “qizillar”ning mag‘lubiyati bilan yakunlandi.

Yurgen Klopp shogirdlar 12 ochko bilan 1-o‘rinda pley-off yo‘llanmasiga ega chiqdi.

“Roma” o‘zida “Sheriff”ni qabul qildi va 3:0 hisobida g‘alaba qozondi. Rimliklar tarkibida Romelu Lukaku, Andrea Belotti va Nikkolo Pizilli o‘z nomini tabloga yozdirib qo‘ydi.

Rim jamoasi 13 ochko jamg‘argan holda G guruhida 2-o‘rinni egallab, pley-offga chiqdi.

Yevropa Ligasi

6-tur

14-dekabr, payshanba

“Yunion” – “Liverpul” 2:1

Gollar: 1:0 – 32 Amura, 1:1 – 39 Kuansa, 2:1 – 43 Puertas.

“Yunion”: Moris, Berdjess, Mak Allister, Matida, Kastro-Montes, Sadiki, Lapussen, Lazar (Ekkert, 88), Puertas, Nilsson (Rodriges, 78), Amura (Rasmussen, 84).

“Liverpul”: Kelleher, Bredli, Konate (Gomes, 46), Kuansa, Chembers (Skenlon, 63), Endo (Gravenberx, 46), Jons, Elliott, Gakpo, Gordon (Makkonnell, 75), Douk (Nunyes, 63).

Ogohlantirishlar: Bredli (23), Sadiki (53), Skenlon (90).

“Roma” – “Sheriff” 3:0

Gollar: 1:0 – 11 Lukaku, 2:0 – 32 Belotti, 3:0 – 90 Pizilli.

“Roma”: Svilar, Karsdorp, Lyorente (Paredes, 61), Chelik, Kristante, Zalevski (Mannini, 86), Sanshesh (Pagano, 61), Auar (ash-Shaaravi, 46), Bove, Lukaku, Belotti (Pizilli, 73).

“Sheriff”: Koval, Garananga, Tovar, Ngom-Mbekeli, Artunduaga, Fernandesh, Talal, Badolo (Vardar, 86), Rikardinyo, Apostolakis (Zouri, 36), Ankeye (Luvannor, 72).

Ogohlantirishlar: Talal (24), Rikardinyo (61), Bove (77).