Futbol bo‘yicha Yevropa Chempionlar Ligasining 6-turidan o‘rin olgan o‘yinlar 12-dekabr, seshanba kuni bo‘lib o‘tdi.
B guruhida “Arsenal” “PSV” mehmoni bo‘ldi. Birinchi bo‘lim so‘ngida Edvard Nketia tomonidan urilgan gol evaziga londonliklar hisobni ochdi. Ikkinchi bo‘lim boshida esa Yorbe Vertessen hisobni tenglashtirdi. Qolgan daqiqalarda darvozalar daxlsizligi saqlanib qoldi va uchrashuv durang bilan yakunlandi.
Guruhning ikkinchi o‘yinida “Lans” “Sevilya”ga qarshi bahs olib bordi. Ushbu o‘yin 2:1 hisobida “Lans” g‘alabasi bilan yakunlandi. Fransuz klubi safida Pshemislav Frankovski va Angelo Fulgini gol urgan bo‘lsa, ispan jamoasida Serxio Ramos gol muallifiga aylandi. Qayd etib o‘tish joiz, o‘zbekistonlik futbolchi Abduqodir Husanov “Lans” safida so‘nggi daqiqalarda maydonga tushirildi.
Shu tariqa B guruhida “Arsenal” 13 ochko jamg‘arib, 1-o‘rinni egalladi. “PSV” 9 ochko bilan 2-o‘rinni band etdi. 8 ochko jamg‘argan “Lans” Yevropa Ligasiga yo‘l oldi. “Sevilya” esa 2 ochko bilan eng so‘nggi o‘rinni egallab, musobaqani tark etdi.
YCHL
6-tur
12-dekabr, seshanba
“PSV” – “Arsenal” 1:1
Gollar: 0:1 – 42 Nketia, 1:1 – 50 Vertessen.
“PSV”: Benites, Teze, Ramalyo, Obispo, Mauro Junior, van Anholt, Tillman (Til, 82), Saybari (Dest, 74), Bakayoko (Babadi, 74), Vertessen, Pepi.
“Arsenal”: Remsdeyl, Soaresh (Rays, 62), Gabriel, Saliba (Uayt, 62), Kiver, El-Nenni (Edegor, 62), Jorjinyo, Haverts, Trossard, Nelson, Nketia.
“Lans” – “Sevilya” 2:1
Gollar: 1:0 – 63 Frankovski (penalti), 1:1 – 79 Ramos (penalti), 2:1 — 90+6 Fulgini.
“Lans”: Samba, Agilyar, Gradi, Danzo, Medina, Frankovski, Mendi (El-Enaui, 24), Abdul-Samed, David Koshta (Fyuljeni, 72), Sotoka, Vai (Gilavogi, 72).
“Sevilya”: Dmitrovich, Ramos, Salas, Gudel, Pedrosa, Xuanlu Sanches, Rakitich, Oliver Torres (Rafa Mir, 70), Sou, Sumare, En-Nesiri.
Ogohlantirishlar: El-Enaui (37), Sumare (61), Salas (65), Medina (75), Ramos (80), Fyuljeni (85).
Izoh (0)