Футбол бўйича Европа Чемпионлар Лигасининг 6-туридан ўрин олган ўйинлар 12 декабрь, сешанба куни бўлиб ўтди.
B гуруҳида “Арсенал” “ПСВ” меҳмони бўлди. Биринчи бўлим сўнгида Эдвард Нкетиа томонидан урилган гол эвазига лондонликлар ҳисобни очди. Иккинчи бўлим бошида эса Ёрбе Вертессен ҳисобни тенглаштирди. Қолган дақиқаларда дарвозалар дахлсизлиги сақланиб қолди ва учрашув дуранг билан якунланди.
Гуруҳнинг иккинчи ўйинида “Ланс” “Севилья”га қарши баҳс олиб борди. Ушбу ўйин 2:1 ҳисобида “Ланс” ғалабаси билан якунланди. Француз клуби сафида Пшемислав Франковски ва Ангело Фулгини гол урган бўлса, испан жамоасида Серхио Рамос гол муаллифига айланди. Қайд этиб ўтиш жоиз, ўзбекистонлик футболчи Абдуқодир Ҳусанов “Ланс” сафида сўнгги дақиқаларда майдонга туширилди.
Шу тариқа B гуруҳида “Арсенал” 13 очко жамғариб, 1-ўринни эгаллади. “ПСВ” 9 очко билан 2-ўринни банд этди. 8 очко жамғарган “Ланс” Европа Лигасига йўл олди. “Севилья” эса 2 очко билан энг сўнгги ўринни эгаллаб, мусобақани тарк этди.
ЕЧЛ
6-тур
12 декабрь, сешанба
“ПСВ” – “Арсенал” 1:1
Голлар: 0:1 – 42 Нкетиа, 1:1 – 50 Вертессен.
“ПСВ”: Бенитес, Тезе, Рамальо, Обиспо, Мауро Жуниор, ван Анҳолт, Тиллман (Тил, 82), Сайбари (Дест, 74), Бакайоко (Бабади, 74), Вертессен, Пепи.
“Арсенал”: Рэмсдейл, Соареш (Райс, 62), Габриэль, Салиба (Уайт, 62), Кивер, Эл-Ненни (Эдегор, 62), Жоржиньо, Ҳаверц, Троссард, Нелсон, Нкетиа.
“Ланс” – “Севилья” 2:1
Голлар: 1:0 – 63 Франковски (пенальти), 1:1 – 79 Рамос (пенальти), 2:1 — 90+6 Фулгини.
“Ланс”: Самба, Агиляр, Гради, Данзо, Медина, Франковски, Менди (Эл-Энауи, 24), Абдул-Самед, Давид Кошта (Фюлжени, 72), Сотока, Ваи (Гилавоги, 72).
“Севилья”: Дмитрович, Рамос, Салас, Гудел, Педроса, Хуанлу Санчес, Ракитич, Оливер Торрес (Рафа Мир, 70), Соу, Сумаре, Эн-Несири.
Огоҳлантиришлар: Эл-Энауи (37), Сумаре (61), Салас (65), Медина (75), Рамос (80), Фюлжени (85).
Изоҳ (0)