Охирги ой давомида Ўзбекистонда апельсиннинг улгуржи нархлари ўтган йилларнинг шу даврига нисбатан анча паст даражада сақланиб қолди. Бу ҳақда EastFruit портал хабар берди.
Қайд этилишича, ушбу маҳсулотларнинг жорий улгуржи нархлари EastFruit минтақасидаги мамлакатлар орасида энг паст ҳисобланади. 2023 йил ноябрь ойининг иккинчи ўн кунлигида Ўзбекистонда апельсиннинг улгуржи нархи бир ҳафта ичида 30 фоизга тушиб кетган эди.
Кейинги ҳафталарда ушбу маҳсулотлар нархи пасайишда давом этди ва сўнгги бир ой ичида Ўзбекистонда апельсинлар 1,8 баравар арзонлашган — 10 ноябрдан 8 декабргача апельсиннинг ўртача улгуржи нархи 1 килограмми учун 23 минг сўмдан 13 минг сўмгача арзонлашди.
2023 йил 8 декабрь ҳолатига кўра, апельсиннинг ўртача улгуржи нархи 2021—2022 йилларнинг худди шу санасига нисбатан учдан бирига паст ва 2019 йилнинг шу санасига нисбатан деярли чорак баравар кам.
Бундан ташқари, Ўзбекистонда апельсиннинг жорий улгуржи нархлари EastFruit мева-сабзавот маҳсулотларининг улгуржи нархларини ҳафталик мониторинг қилиб борувчи давлатлар орасида энг паст ҳисобланади. Бунда фақат Грузия мазкур маҳсулотни ишлаб чиқарувчи бўлгани учун истиснодир.
8 декабрь ҳолатига кўра, ушбу мамлакатларда апельсиннинг ўртача улгуржи нархи қуйидагича: Ўзбекистон — 1,06 доллар, Молдова — 1,24 доллар, Россия — 1,35 доллар, Польша — 1,37 доллар, Тожикистон — 1,46 доллар; Украина — $1,80 доллар.
Изоҳ (0)