O‘zbekiston tashqi ishlar vaziri o‘rinbosari Bahromjon Aʼloyev Iroq bosh vaziri o‘rinbosari – tashqi ishlar vaziri Fuad Husayn bilan uchrashdi. Bu haqda TIV matbuot xizmati xabar berdi.
![](/static/2023/Fozilbek/photo_2023-12-11_09-45-30.jpg)
Qayd etilishicha, uchrashuvda Iroq tomoni O‘zbekiston bilan ko‘p qirrali sheriklikni yanada mustahkamlash va o‘zaro ustuvor sohalarda hamkorlik ko‘lamini kengaytirishdan manfaatdorligini bildirgan.
Siyosiy muloqotni faollashtirish, savdo-iqtisodiy hamkorlikni chuqurlashtirish va madaniy-gumanitar almashinuvni mustahkamlash muhimligi taʼkidlangan. Iroq tomoni O‘zbekiston mahsulotlarining Iroq bozoriga chiqishi va O‘zbekistondan import turlarini kengaytirishdan manfaatdor ekanini qayd etgan.
Uchrashuvda bo‘lajak qo‘shma tadbirlar jadvali ham muhokama qilindi, — deyiladi xabarda.
Ma’lumot uchun, 2017—2022-yillarda O‘zbekistonning jami eksporti 95 milliard dollardan ortiqni tashkil etdi, shundan 2022-yilda 19 milliard dollardan ortiq mahsulot eksport qilindi, bu 2016-yilga nisbatan 60 foizga ko‘pdir.
Izoh (0)