Америкалик таниқли актриса Анжелина Жоли яқинда берган катта интервьюсида узоқ вақтдан бери биринчи марта ажралиш сабаблари ҳақида гапиришга қарор қилди.
“Стресслар менинг танамга жуда кучли таъсир қилади. Ажрашишдан олти ой олдин тўсатдан фалажликка дучор бўлдим. Кейинчалик мен эркин яшаш ва саёҳат қилиш имкониятидан маҳрум бўлдим. Имкон бўлиши билан тезроқ кўчиб кетишим керак”, — дея яшаш жойини Камбоджага ўзгартириш ҳақида ўйлаётганига ишора қилди.
Бугун журналистлар Жолининг янги муносабатлари ҳақида ёзаётганига қарамай, актриса бу масалада шошилмаяпти. Унинг даврасида шоу-бизнесдан деярли ҳеч ким қолмади, чунки юлдуз бутун эътиборини болалар ва қочқинларга бағишлаган.
“Қийинчиликларни бошидан кечирган одамлар анча самимий ва очиқ бўлади. Мен ўзимни улар билан янада эркинроқ ҳис қиламан. Нима учун мен қийинчиликни бошдан кечирган одамлар билан вақт ўтказишни ёқтираман? Улар ҳаётда шунчалик кўп нарсага дуч келганки, бу уларга нафақат куч, балки инсонийликни ҳам орттиришга ёрдам берган”, — деб таъкидлади.
Шунингдек, иш фақат қочқинлар билан мулоқот қилиш билан тугаётгани йўқ. Анжелина Жоли уларга келажакда Нью-Йоркдаги дўконидан расмий иш беришни ҳам режалаштирмоқда.
“Эҳтимол, мен бир муддат пул йўқотарман. Агар яхшиланиш деб ҳисоблаган баъзи нарсаларни амалда қўллай олсам, бу жуда катта ғалаба бўлар эди”, — дея хулоса қилди актриса.
Маълумот учун, Анжелина Жоли актёр Бред Питт билан 2016 йилда ажрашган эди.
Изоҳ (0)