Toshkentda Germaniya xalqaro hamkorlik jamiyati, Latviya Moliya va shartnomalar markaziy agentligi hamkorligida tadbir tashkil etildi

Toshkentda “Davlat xizmatida iste’dodli shaxslarni qo‘llab-quvvatlash masalalari” bo‘yicha xalqaro davra suhbati tashkil etildi.

So‘nggi yillarda mamlakatda turli yirik anjumanlar yaqin sherikchilik va hamkorlik, g‘oyalar va innovatsiyalar almashinuvi uchun muhim, qulay maydonga aylanmoqda. Bugungi tadbir ham bunga yaqqol misol. 

Hilton Tashkent City’da prezident huzuridagi Davlat xizmatini rivojlantirish agentligi, Germaniya xalqaro hamkorlik jamiyati, Latviya Moliya va shartnomalar markaziy agentligi hamkorligida “Davlat xizmatida iste’dodli shaxslarni qo‘llab-quvvatlash masalalari” mavzusida xalqaro davra suhbati tashkil etildi.

Davra suhbatida vazirlik va idoralarning rahbar kadrlari, inson resurslarini boshqarish bo‘linmalari xodimlari, olimlar, chet el mutaxassislari, diplomatik korpus vakillari hamda Angliya, Germaniya, Latviya, Fransiya, BAA, Koreya, Singapur, Turkiya, Ozarbayjon kabi mamlakatlardan soha ekspertlari, davlat xizmatchilari ishtirok etmoqda.

Tadbir — davlat xizmatini rivojlantirishda salohiyatli kadrlar zaxirasini shakllantirish muammolari, iste’dodli shaxslarni davlat xizmatiga jalb qilishning zamonaviy hamda samarali mexanizmlarini muhokama qilish maqsadida tashkil etildi.