O‘zbekistondagi shifoxonalarning birida bemor bolaga berilgan dorining ichidan soch chiqqani aks etgan video tarqaldi. Farmatsevtika mahsulotlari xavfsizligi markazi holat yuzasidan maʼlumot berdi.
Qayd etilishicha, videomurojaat SSV Farmatsevtika mahsulotlari xavfsizligi markazi tomonidan o‘rganilmoqda. Mazkur preparat o‘rnatilgan tartibda laboratoriya tahlillaridan o‘tkazilgandan so‘ng, vaziyat bo‘yicha qo‘shimcha axborot beriladi.
“Agarda siz dori vositalarining sifatsiz, belgilangan talablarga nomuvofiq ishlab chiqarilgan, nuqsonli holatlariga duch kelsangiz yoki uning sifatidan shubhalansangiz Farmatsevtika mahsulotlari xavfsizligi markaziga murojaat qiling. Bunda o‘ram yoki qadoqdagi dori vositasi bilan birga uning xarid (tovar va kassa) chekini taqdim etishingiz kerak bo‘ladi”, — deyiladi xabarda.
Izoh (0)