Jizzax shahrida YPX inspektorlari tomonidan 36 ta muddati o‘tgan qarzdorligi mavjud bo‘lgan transport vositasi aniqlandi. Bu haqda Jizzax vilyati IIB YHXB axborot xizmati xabar berdi.
Ma’lum qilinishicha, hozirgi kunda Jizzax shahrida reyd tadbirlari olib borilmoqda. Tadbirlar davomida Spark rusumli transport vositasi to‘xtatib tekshirilganda, muddati o‘tib ketgan 36 ta qarzdorlik mavjudligi aniqlangan. Muddati o‘tgan qarzdorlikning umumiy summasi 12 million so‘mdan ziyodni tashkil etadi.
Mazkur transport vositasi tegishli tartibda jarima maydoniga joylashtirilgan.
Avvalroq Qonunchilik palatasi yalpi majlisida doimiy ravishda qoidabuzarliklar sodir etganlik uchun jarima ballari hisoblash tizimi joriy etilishini nazarda tutuvchi qonun loyihasi birinchi o‘qishda ko‘rib chiqilgani to‘g‘risida xabar berilgandi.
Qonun loyihasi bilan taklif etilayotgan o‘zgartirishlarga ko‘ra, Ma’muriy javobgarlik to‘g‘risidagi kodeksga yo‘l harakati qoidabuzarliklari bo‘yicha hisoblangan jarima ballari belgilangan miqdordan oshganlik uchun ma’muriy jazo qo‘llanishiga oid modda kiritilmoqda.
Izoh (0)