Jizzaxda katta tezlikda kelayotgan “Vaz-2107” 5 ta mashinaga borib urildi. Holat aks etgan video ijtimoiy tarmoqlarda tarqaldi.
Viloyat IIB Yo‘l harakati xavfsizligi boshqarmasining ma’lum qilishicha, voqea 1-dekabr kuni soat 13:30 atrofida “Shodlik” MFY hududidan o‘tgan 4R36 Jizzax—Yangi qishloq—Qizilcha avtomobil yo‘lida sodir bo‘lgan.
“Jiguli” haydovchisi mashinani Forish—Jizzax yo‘nalishi bo‘ylab haydab ketayotib, boshqaruvni yo‘qotgan va ovqatlanish shoxobchasi yonida turgan avtomobillarga borib urilgan.
Natijada “Vaz-2107” haydovchisi bosh miya jarohati bilan Respublika shoshilinch tez yordam ilmiy markazi Jizzax viloyati filialining jonlantirish bo‘limiga yotqizilgan. Ushbu transport vositasida bo‘lgan ikki nafar yo‘lovchiga tez tibbiy yordam ko‘rsatilgan.
Hodisa oqibatida “Vaz-2107”dan tashqari 5 ta transport vositasiga moddiy zarar yetgan. Hozirda ushbu holat yuzasidan dastlabki surishtiruv ishlari olib borilmoqda.
Izoh (0)