Namanganda ichida ikki nafar haydovchi va feldsher bo‘lgan tez yordam mashinasi YTHga uchradi. Bu haqda viloyat SSB xabar berdi.
Ma’lum qilinishicha, 26-noyabr kuni Chortoq tuman tez tibbiy yordam Alixon shoxobchasi haydovchisi 1988-yil tug‘ilgan A.N. navbatchilikni qabul qilgandan so‘ng, feldsher H.T.bilan birga dori-darmon olish uchun Alixondan Chortoq tuman tez tibbiy yordam markaziga yo‘l olgan. Mashinaga yana bir haydovchi S.I. yo‘l-yo‘lakay markazga kelish uchun o‘z xoxshi bilan chiqib olgan.
Haydovchi pastki Qorabog‘ qishlog‘idan o‘tib kelayotgan vaqtda oldinda harakatlanib kelayotgan Damas to‘satdan to‘xtab olgan. Tez yorda haydovchisi YTHni oldini olish maqsadida mashinani qarama-qarshi yo‘nalishga burganida ro‘paradan kelayotgan Cobalt bilan to‘qnashgan.
Oqibatda A.N. og‘ir tan jarohati olgan. U yonidagi haydovchi sherigi S.I. bilan birga Chortoq tuman tez tibbiy yordam shifoxonasiga olib kelingan. Shoshilinch yordam ko‘rsatilganiga qaramay haydovchi A.N. vafot etgan.
Ikkinchi haydovchi S.I. “bosh miya yopiq shikasti, peshona sohasi shilinib-yirtilgan jarohati” bilan shifoxonaga yotqizilgan, hozirda holati qoniqarli. Feldsher hech qanday tan jarohati olmagan.
“Yuqorida holat yuzasidan shuni ma’lumot o‘rnida aytib o‘tish kerakki, sanitar mashina texnik holat soz bo‘lgan, bu baxtsiz tasodifiy YTHdir” — deyiladi xabarda.
Izoh (0)