Наманганда ичида икки нафар ҳайдовчи ва фелдшер бўлган тез ёрдам машинаси ЙТҲга учради. Бу ҳақда вилоят ССБ хабар берди.
Маълум қилинишича, 26 ноябрь куни Чортоқ туман тез тиббий ёрдам Алихон шохобчаси ҳайдовчиси 1988 йил туғилган А.Н. навбатчиликни қабул қилгандан сўнг, фелдшер Ҳ.Т.билан бирга дори-дармон олиш учун Алихондан Чортоқ туман тез тиббий ёрдам марказига йўл олган. Машинага яна бир ҳайдовчи С.I. йўл-йўлакай марказга келиш учун ўз хохши билан чиқиб олган.
Ҳайдовчи пастки Қорабоғ қишлоғидан ўтиб келаётган вақтда олдинда ҳаракатланиб келаётган Damas тўсатдан тўхтаб олган. Тез ёрда ҳайдовчиси ЙТҲни олдини олиш мақсадида машинани қарама-қарши йўналишга бурганида рўпарадан келаётган Cobalt билан тўқнашган.
Оқибатда А.Н. оғир тан жароҳати олган. У ёнидаги ҳайдовчи шериги С.I. билан бирга Чортоқ туман тез тиббий ёрдам шифохонасига олиб келинган. Шошилинч ёрдам кўрсатилганига қарамай ҳайдовчи А.Н. вафот этган.
Иккинчи ҳайдовчи С.I. “бош мия ёпиқ шикасти, пешона соҳаси шилиниб-йиртилган жароҳати” билан шифохонага ётқизилган, ҳозирда ҳолати қониқарли. Фелдшер ҳеч қандай тан жароҳати олмаган.
“Юқорида ҳолат юзасидан шуни маълумот ўрнида айтиб ўтиш керакки, санитар машина техник ҳолат соз бўлган, бу бахтсиз тасодифий ЙТҲдир” — дейилади хабарда.
Изоҳ (0)