Saudiya Arabistoni poytaxti Ar-Riyod shahrida Osiyo Paralimpiya qo‘mitasining (APC) yakuniga yetib borayotgan joriy 2023-yil sarhisobi bo‘yicha eng munosiblarni taqdirlash marosimi bo‘lib o‘tdi.
Osiyo Paralimpiya qo‘mitasi vitse-prezidenti – O‘zbekiston Milliy paralimpiya qo‘mitasi raisi Muxtorxon Toshxojayevning O‘zbekistonda va Osiyo qit’asida Paralimpiya harakatini rivojlantirishda qo‘shayotgan xizmatlari munosib baholandi va tashkilotning Osiyo ordeni bilan taqdirlandi.
Yana bir ahamiyatli jihati, para yengil atletika bo‘yicha Tokio—2020 yozgi Paralimpiya o‘yinlari sovrindori, jahon chempioni, Xanchjou—2022 Para Osiyo o‘yinlari g‘olibi Asila Mirzayorova esa qit’aning “Eng yaxshi ayol para atleti” degan nomga sazovor bo‘ldi.
Izoh (0)