Арманистон бош вазири Никол Пашинян мамлакатда судланган Озарбайжон фуқароларини арман асирларига алмаштиришни таклиф қилди. Унинг қўшимча қилишича, Арманистон расмийлари бу борада халқаро ҳуқуқий органларга мурожаат қилмоқда.
“Айтишим керакки, биз бу масалада мослашувчанликни намоён этишга ва маҳбусларимиз қайтиши учун Озарбайжон билан ҳамкорлик қилишга тайёр эканимизни билдирдик”, — деди Пашинян.
Бош вазир Арманистон “ҳамма учун” тамойили асосида икки давлат асирларини алмашишга тайёрлиги ҳақида аллақачон гапирганини эслатди. Унинг сўзларига кўра, гуманитар масалалардан сиёсий мақсадларда фойдаланилмоқда, бу “мантиқан тўғри эмас”.
Аввалроқ Никол Пашинян 18 ноябрь куни музокаралар ва маҳбусларни алмашишга тайёрлиги ҳақида гапирган эди. Кейин у Арманистон ва Озарбайжон “ҳали ҳам турли дипломатик тилларда гаплашишини” айтди. Сиёсатчининг таъкидлашича, томонлар кўпинча бир-бирини тушунмайди ва бунинг объектив тарихий сабаблари бор. 21 ноябрь куни Озарбайжон ҳам музокараларга тайёрлигини маълум қилганди.
2020 йил 9 ноябрда Арманистон ва Озарбайжон Тоғли Қорабоғдаги можарони ҳал қилиш бўйича келишув имзолади. Бошқа нарсалар қатори, томонлар маҳбуслар ва ўлганларнинг жасадларини алмашишга ваъда беришди.
Изоҳ (0)