Toshkent shahrining ikki tumani: Yashnobod va Bektemir tumanlarida elektr taʼminoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali matbuot xizmati xabar berdi.
Maʼlum qilinishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida 23-noyabr kuni quyidagi manzillarda elektr taʼminoti vaqtincha o‘chiriladi:
- Yashnobod tumani: “Bahor”, “Arg‘in”, “Tovkentepa” hamda “Mirishkor” MFYlarining ayrim ko‘chalarida soat 09:00 dan 17:00 gacha;
- Bektemir tumani: “Mirishkor” MFYning ayrim ko‘chalarida soat 09:00 dan 17:00 gacha.
Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi bildirildi. “Hududiy elektr tarmoqlari” Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘radi.
Izoh (0)