Xorazm viloyati Xiva tumanida bolalar dars paytida majburiy mehnatga jalb qilingani haqida xabarlar tarqaldi. Viloyat maktabgacha va maktab ta’limi boshqarmasi matbuot xizmati mazkur xabarlarga oydinlik kiritdi.
Xabarga ko‘ra, tarmoqlarda tarqalgan lavhada Xiva tumanidagi 5-son maktabning 11-sinf o‘quvchilari dars paytida ariq qaziyotgani keltirilgan. Mazkur holat Xorazm viloyati maktabgacha va maktab ta’limi boshqarmasi mutaxassislari hamda Xiva tumani Kambag‘allikni qisqartirish va bandlikka ko‘maklashishi bo‘limi Davlat mehnat huquq inspektori ishtirokida o‘rganildi.
Videolavhadagi holat joriy yil 20-oktyabr kuni Xiva tumanidagi 5-son umumiy o‘rta ta’lim maktabi tashqarisida sodir qilingan bo‘lib, o‘quvchilar bilan suhbatlashilganda ular maktabning chaqiriqqa qadar boshlang‘ich ta’lim rahbariga o‘z ixtiyorlari bilan yordamlashganini, ularni hech kim mehnat qilishga majburlamaganini bildirdi.
O‘rganish xulosasiga ko‘ra, Xiva tumani 5-son maktab o‘quvchilarining majburiy mehnatga jalb qilingani holati o‘z tasdig‘ini topmagan.
Izoh (0)