Samarqand viloyati Urgut tumani hokimligi “Bahrin” mahallasida yuz bergan yong‘in bo‘yicha ma’lumot berdi.
Qayd etilishicha, 17-noyabr kuni soat taxminan 22:04 lar atrofida Urgut tumani “Bahrin” mahallasi hududida joylashgan “Mahalla markazi”da kelib chiqqan.
Voqea joyiga soat 22:16 da FVV ning Samarqand viloyati boshqarmasining 6 ta yong‘in-qutqaruv guruhi yetib kelib, yong‘in o‘chirilgan. Hodisa oqibatida hech kim tan jarohati olmagan, halok bo‘lmagan.
“Holat yuzasidan huquqni muhofaza qiluvchi organlar tomonidan, yong‘in sabablari o‘rganilmoqda”, — deyiladi xabarda.
Eslatib o‘tamiz, 14-oktyabr kuni Toshkent shahar Mirobod tumanida joylashgan qurilish binosida yong‘in sodir bo‘lgandi. Undan oldinroq esa Navoiy viloyati Uchquduq tumanida joylashgan sport majmuasida yirik yong‘in yuz bergani to‘g‘risida xabar berilgan edi.