Самарқанд вилояти Ургут тумани ҳокимлиги “Баҳрин” маҳалласида юз берган ёнғин бўйича маълумот берди.
Қайд этилишича, 17 ноябрь куни соат тахминан 22:04 лар атрофида Ургут тумани “Баҳрин” маҳалласи ҳудудида жойлашган “Маҳалла маркази”да келиб чиққан.
Воқеа жойига соат 22:16 да ФВВ нинг Самарқанд вилояти бошқармасининг 6 та ёнғин-қутқарув гуруҳи етиб келиб, ёнғин ўчирилган. Ҳодиса оқибатида ҳеч ким тан жароҳати олмаган, ҳалок бўлмаган.
“Ҳолат юзасидан ҳуқуқни муҳофаза қилувчи органлар томонидан, ёнғин сабаблари ўрганилмоқда”, — дейилади хабарда.
Эслатиб ўтамиз, 14 октябрь куни Тошкент шаҳар Миробод туманида жойлашган қурилиш биносида ёнғин содир бўлганди. Ундан олдинроқ эса Навоий вилояти Учқудуқ туманида жойлашган спорт мажмуасида йирик ёнғин юз бергани тўғрисида хабар берилган эди.
Изоҳ (0)