Qashqadaryo viloyati markazi Qarshi shahrida changli havo kuzatilmoqda. Bu haqda bloger Azizbek Yazdurdiyev xabar bergan.
Ta’kidlanishicha, shaharda tong paytida shunday havo kuzatilgan.
Shamol uncha kuchli emas, ammo juda chang. Chang dimoqqa urgani bois, nafas olishda ham muammo bor, — deydi bloger Azizbek Yazdurdiyev.
.jpg)
.jpg)
Qashqadaryo viloyatining Yakkabog‘ tumanida istiqomat qiluvchi bloger Maqsud Muzaffarovning “Daryo”ga qo‘shimcha qilishicha, Yakkabog‘ tumanining Qamashi tumani bilan chegara qismidagi kuchli shamol uy tomlarining uchishiga ham sabab bo‘lmoqda.
Avvalroq “O‘zgidromet” 18-noyabr kuni Qashqadaryo viloyatining baʼzi joylarida biroz yomg‘ir yog‘ishini, sharqiy shamol yo‘nalishini o‘zgartirib g‘arbdan 7-12 metr/sekund tezlikda esishini, baʼzi joylarda 15-20 metr/sekundgacha kuchayishi mumkinligini ma’lum qilgandi.
Izoh (0)