2022-yilning to‘qqiz oyi davomida Qirg‘iziston Rossiyaga 554 million dollarlik eksportni amalga oshirdi. Bu 2021-yilning mos davri bilan solishtirganda 1,1 foizga ko‘p demakdir — bu davrda respublikaning Rossiya bilan savdo hajmi 547,6 million dollarga yetib, rekord ko‘rsatkichni qayd etgan. Bu haqda Qirg‘iziston Milliy statistika qo‘mitasi xabar bermoqda.
Umuman olganda, mamlakatlar o‘rtasidagi tovar ayirboshlash hajmi 1 milliard 979 million dollarga yetgan, bu o‘tgan yilgi ko‘rsatkichdan 17 foizga kamdir. Kamayishga Rossiyadan Qirg‘izistonga import hajmi qisqargani sabab bo‘lmoqda — to‘qqiz oyda bu boradagi ko‘rsatkichlar 1,4 milliard dollarni tashkil etgan (bir yil oldin 1,8 milliard dollar edi).
Rossiya Federatsiyasining Qirg‘iz Respublikasi umumiy savdo hajmidagi ulushi 18,3 foizni tashkil etmoqda, Yevropa davlatlari hisobiga esa 12,7 foiz to‘g‘ri kelyapti. Shu bilan birga, Rossiya bozori respublikaga eksportning 26,3 foizini amalga oshiradi — bu barcha hamkor davlatlar orasida eng yuqori ko‘rsatkichdir.
Qirg‘iziston tomonidan Markaziy Osiyo davlatlariga 2022-yilning 9 oyida amalga oshirgan eksporti
Qirg‘iz Respublikasi Milliy statistika qo‘mitasi ma’lumotlariga ko‘ra, 2022-yilning 9 oyi davomida Markaziy Osiyo mintaqasi davlatlariga amalga oshiriglan eksport hajmi 420,2 million dollarni tashkil etgan.
Qirg‘izistonning Markaziy Osiyodagi asosiy savdo sherigi Qozog‘iston va O‘zbekiston. Eksport hajmining 57 foizi Qozog‘iston, 43 foizi esa (181,2 million dollar) O‘zbekiston hisobiga to‘g‘ri kelmoqda.
Eksport qilinayotgan tovarlarning asosiy qismini oziq-ovqat mahsulotlari va qishloq xo‘jaligi xomashyolari tashkil etyapti. Eksport qilinadigan asosiy pozitsiyalar — go‘sht va go‘sht mahsulotlari, sut mahsulotlari, sabzavotlar, mevalar, tamaki.
2022-yilning 9 oyi davomida Qozog‘iston va O‘zbekistonga go‘sht hamda go‘sht mahsulotlarini yetkazib berish sezilarli daraja oshgan — mos ravishda 80 va 119 foizga. Shuningdek, sut mahsulotlari, sabzavot va mevalar eksportida ham o‘sish kuzatilgan.
Qirg‘iziston Turkmanistonga 5,4 million dollarlik tovarlarni eksport qildi (2021-yilning mos davriga nisbatan o‘sish 15 foiz). Qirg‘iz Respublikasi Ashxobodga un, alkogol va qandolat mahsulotlarini yetkazib bermoqda.
Tojikiston bilan esa eksport hajmi 19,7 million dollarni tashkil etdi (-5 foiz). Qirg‘iziston Dushanbega un, yog‘-moy, alkogol va tamaki mahsulotlarini sotmoqda.
Izoh (0)