2022 йилнинг тўққиз ойи давомида Қирғизистон Россияга 554 миллион долларлик экспортни амалга оширди. Бу 2021 йилнинг мос даври билан солиштирганда 1,1 фоизга кўп демакдир — бу даврда республиканинг Россия билан савдо ҳажми 547,6 миллион долларга етиб, рекорд кўрсаткични қайд этган. Бу ҳақда Қирғизистон Миллий статистика қўмитаси хабар бермоқда.
Умуман олганда, мамлакатлар ўртасидаги товар айирбошлаш ҳажми 1 миллиард 979 миллион долларга етган, бу ўтган йилги кўрсаткичдан 17 фоизга камдир. Камайишга Россиядан Қирғизистонга импорт ҳажми қисқаргани сабаб бўлмоқда — тўққиз ойда бу борадаги кўрсаткичлар 1,4 миллиард долларни ташкил этган (бир йил олдин 1,8 миллиард доллар эди).
Россия Федерациясининг Қирғиз Республикаси умумий савдо ҳажмидаги улуши 18,3 фоизни ташкил этмоқда, Европа давлатлари ҳисобига эса 12,7 фоиз тўғри келяпти. Шу билан бирга, Россия бозори республикага экспортнинг 26,3 фоизини амалга оширади — бу барча ҳамкор давлатлар орасида энг юқори кўрсаткичдир.
Қирғизистон томонидан Марказий Осиё давлатларига 2022 йилнинг 9 ойида амалга оширган экспорти
Қирғиз Республикаси Миллий статистика қўмитаси маълумотларига кўра, 2022 йилнинг 9 ойи давомида Марказий Осиё минтақаси давлатларига амалга ошириглан экспорт ҳажми 420,2 миллион долларни ташкил этган.
Қирғизистоннинг Марказий Осиёдаги асосий савдо шериги Қозоғистон ва Ўзбекистон. Экспорт ҳажмининг 57 фоизи Қозоғистон, 43 фоизи эса (181,2 миллион доллар) Ўзбекистон ҳисобига тўғри келмоқда.
Экспорт қилинаётган товарларнинг асосий қисмини озиқ-овқат маҳсулотлари ва қишлоқ хўжалиги хом ашёлари ташкил этяпти. Экспорт қилинадиган асосий позициялар — гўшт ва гўшт маҳсулотлари, сут маҳсулотлари, сабзавотлар, мевалар, тамаки.
2022 йилнинг 9 ойи давомида Қозоғистон ва Ўзбекистонга гўшт ҳамда гўшт маҳсулотларини етказиб бериш сезиларли даража ошган — мос равишда 80 ва 119 фоизга. Шунингдек, сут маҳсулотлари, сабзавот ва мевалар экспортида ҳам ўсиш кузатилган.
Қирғизистон Туркманистонга 5,4 миллион долларлик товарларни экспорт қилди (2021 йилнинг мос даврига нисбатан ўсиш 15 фоиз). Қирғиз Республикаси Ашхободга ун, алкогол ва қандолат маҳсулотларини етказиб бермоқда.
Тожикистон билан эса экспорт ҳажми 19,7 миллион долларни ташкил этди (-5 фоиз). Қирғизистон Душанбега ун, ёғ-мой, алкогол ва тамаки маҳсулотларини сотмоқда.
Изоҳ (0)