Kembrij lug‘ati “gallyutsinatsiya” so‘zini 2023-yil so‘zi deb atadi, chunki bu atama noto‘g‘ri ma’lumot ishlab chiqaruvchi sun‘iy intellektga (AI) nisbatan yangi qo‘shimcha ta‘rif berildi.
Independent nashriga ko‘ra, “gallyutsinatsiya”ning an’anaviy ta’rifi odatda tibbiy holat yoki giyohvand moddalarni qabul qilganingiz sababli mavjud bo‘lmagan narsani ko‘rish, eshitish, his qilish yoki hidlash hissidir.
Kembrij lug‘atidagi yangi qo‘shimcha ta’rif: “Sun’iy intellekt (inson miyasining ba’zi fazilatlariga ega bo‘lgan kompyuter tizimi, masalan, xuddi odam kabi nutq ishlab chiqarish qobiliyati) gallyutsinatsiyalar paydo bo‘lganda, u yolg‘on ma’lumot ishlab chiqaradi”.
Bu ChatGPT kabi sun’iy intellekt (AI) vositalariga qiziqish ortib borishi natijasi hisoblanadi. Bugungi kunga kelib jamoatchilik e’tiborini AI cheklash va uni qanday yengib o‘tishga qaratayotgani ham sir emas.
Sun’iy intellekt vositalari, ayniqsa katta til modellaridan foydalanadiganlar, ishonchli matn yaratish qobiliyatini isbotladilar, lekin ko‘pincha buni yolg‘on, chalg‘ituvchi yoki uydirma “faktlar” yordamida amalga oshiradilar.
“AI aniq ma’lumotlarni ajratib olish va uni birlashtirish uchun katta hajmdagi ma’lumotlarni qayta ishlashda zo‘r. Lekin siz ulardan qanchalik original bo‘lishini so‘rasangiz, shunchalik adashishi mumkin”, — deydi tilshunoslar.
Izoh (0)