Кембриж луғати “галлюцинация” сўзини 2023 йил сўзи деб атади, чунки бу атама нотўғри маълумот ишлаб чиқарувчи сунъий интеллектга (AI) нисбатан янги қўшимча таъриф берилди.
Independent нашрига кўра, “галлюцинация”нинг анъанавий таърифи одатда тиббий ҳолат ёки гиёҳванд моддаларни қабул қилганингиз сабабли мавжуд бўлмаган нарсани кўриш, эшитиш, ҳис қилиш ёки ҳидлаш ҳиссидир.
Кембриж луғатидаги янги қўшимча таъриф: “Сунъий интеллект (инсон миясининг баъзи фазилатларига эга бўлган компьютер тизими, масалан, худди одам каби нутқ ишлаб чиқариш қобилияти) галлюцинациялар пайдо бўлганда, у ёлғон маълумот ишлаб чиқаради”.
Бу ChatGPT каби сунъий интеллект (AI) воситаларига қизиқиш ортиб бориши натижаси ҳисобланади. Бугунги кунга келиб жамоатчилик эътиборини AI чеклаш ва уни қандай енгиб ўтишга қаратаётгани ҳам сир эмас.
Сунъий интеллект воситалари, айниқса катта тил моделларидан фойдаланадиганлар, ишончли матн яратиш қобилиятини исботладилар, лекин кўпинча буни ёлғон, чалғитувчи ёки уйдирма “фактлар” ёрдамида амалга оширадилар.
“AI аниқ маълумотларни ажратиб олиш ва уни бирлаштириш учун катта ҳажмдаги маълумотларни қайта ишлашда зўр. Лекин сиз улардан қанчалик оригинал бўлишини сўрасангиз, шунчалик адашиши мумкин”, — дейди тилшунослар.
Изоҳ (0)