Yevropa Ittifoqi 2023 yilda o‘q-dorilar ishlab chiqarishni 30 foizga oshirdi.
Masalan, bu yil ishlab chiqarilgan snaryadlar 1 million donaga yaqinlashgan, ammo bu natija Ukrainaga bunday hajmda o‘q-dorilar yetkazib berishni kafolatlamaydi. Bu haqda Yevropa Ittifoqi mudofaa vazirlari yig‘ilishida ichki bozor bo‘yicha Yevropa komissari Terri Breton ma’lum qildi.
“2023-yil fevral oyidan beri biz o‘q-dorilar ishlab chiqarishni sezilarli darajada – 30 foizga oshirdik va shu bilan yiliga 1 million snaryad ishlab chiqarish maqsadimizga erishdik”, — dedi u.
Uning so‘zlariga ko‘ra, Yevrokomissiya o‘zining harbiy ishlab chiqarish imkoniyatlarini oshirgan.
“Endi a’zo mamlakatlarning vazifasi bu o‘q-dorilarni Ukrainaga yetkazib berishni ta’minlashdir”, — dedi Breton.
Avvalroq Ukraina prezidenti ofisi rahbarining maslahatchisi Sergey Leshenko Kiyev G‘arb davlatlari tomonidan va’da qilingan qurollarni to‘liq hajmda olmagani, aslida, Ukrainaga jangovar harakatlarni davom ettirish uchun bir necha barobar ko‘proq qurol-yarog‘ kerakligini ma’lum qilgandi.
Izoh (0)