Европа Иттифоқи 2023 йилда ўқ-дорилар ишлаб чиқаришни 30 фоизга оширди.
Масалан, бу йил ишлаб чиқарилган снарядлар 1 миллион донага яқинлашган, аммо бу натижа Украинага бундай ҳажмда ўқ-дорилар етказиб беришни кафолатламайди. Бу ҳақда Европа Иттифоқи мудофаа вазирлари йиғилишида ички бозор бўйича Европа комиссари Терри Бретон маълум қилди.
“2023 йил февраль ойидан бери биз ўқ-дорилар ишлаб чиқаришни сезиларли даражада – 30 фоизга оширдик ва шу билан йилига 1 миллион снаряд ишлаб чиқариш мақсадимизга эришдик”, — деди у.
Унинг сўзларига кўра, Еврокомиссия ўзининг ҳарбий ишлаб чиқариш имкониятларини оширган.
“Энди аъзо мамлакатларнинг вазифаси бу ўқ-дориларни Украинага етказиб беришни таъминлашдир”, — деди Бретон.
Аввалроқ Украина президенти офиси раҳбарининг маслаҳатчиси Сергей Лешенко Киев Ғарб давлатлари томонидан ваъда қилинган қуролларни тўлиқ ҳажмда олмагани, аслида, Украинага жанговар ҳаракатларни давом эттириш учун бир неча баробар кўпроқ қурол-яроғ кераклигини маълум қилганди.
Изоҳ (0)