Samarqand shahrida beshinchi xalqaro “Samarkand Marathon” xayriya yugurish marafoni bo‘lib o‘tdi. InfinBank tadbirning rasmiy hamkori sifatida ishtirok etdi.
Bu yil Samarkand Marathon ikki kun davomida Samarqand shahri aholisi va mehmonlarini xursand qildi. Ko‘proq ishtirokchilar, xursandchiliklar va yanada ko‘proq masofalar. InfinBank jamoasi ham marafonga qo‘shildi va startlarda qatnashdi.
Dunyoning 43 davlatidan kelgan 3000 dan ortiq ishtirokchilar ushbu katta tadbirning bir qismi bo‘lishdi va Samarqandning markaziy ko‘chalari bo‘ylab tarixiy obidalar atrofida yugurishdi. Birinchi kuni bolalar uchun hamda 2K masofada skandinavcha yurish bo‘yicha poygalar, ikkinchi kuni esa 42,2K marafon, 21,1K yarim marafon, 10K, 5K va 2K poygalari bo‘lib o‘tdi. Shuningdek, “Samarkand Marathon” doirasida eshitish va ko‘rishda nuqsoni bo‘lgan shaxslar uchun 2K start o‘tkazildi.
Marafonlarda InfinBankning 50 nafar xodimi ishtirok etdi. Ular marralarga yetib kelib medallarni olgandan so‘ng, boshqa ishtirokchilarni — baraban va quvnoq qo‘shiqlar bilan qo‘llab-quvvatlashga davom etishdi. “Samarkand Marathon” jamoasi va hamkorlarining 2023-yildagi xayriya missiyasi bolalar uchun sport maydonchalarini qurishga qaratildi. InfinBank sog‘lom va faol turmush tarzini ommalashtirish, ichki va sport turizmini rivojlantirish g‘oyalarini doim qo‘llab-quvvatlaydi.
InfinBank jamoasi har doim bunday tashabbuslarni qo‘llab-quvvatlaydi va hamkorlik uchun doimo ochiq!
Izoh (0)