Navoiy viloyatida suvdan noqonuniy foydalangan fuqaro bir yilga ozodlikdan cheklandi va qariyb 70 million so‘m jarimaga tortildi.
Aytilishicha, Navoiy viloyatida “Tabiat” fermer xo‘jaligi rahbari sifatida faoliyat yuritib kelgan A.J. fermer xo‘jaligiga qarashli baliqxona obyektida tegishli shartnoma tuzmasdan, D-40 mmli suv tarmog‘iga o‘zboshimchalik bilan ulangan holda ichimlik suvidan noqonuniy foydalanib kelgani aniqlandi.
Jinoyat ishlari bo‘yicha Qiziltepa tuman sudi tomonidan sudlanuvchi Jinoyat kodeksining tegishli moddasida nazarda tutilgan jinoyatni sodir qilganlikda aybdor deb topilib unga 1 yil muddatga ozodlikni cheklash hamda “Navoiy suv taʼminoti” MCHJ manfaatlariga 69 169 500 so‘m undirish jazosi tayinlandi.
Fermer xo‘jaligi rahbari tomonidan “Navoiy suv taʼminoti” MCHJga ichimlik suvi xizmatlari uchun yetkazilgan zarar miqdori 8 185 74 m3 ni tashkil etishi qayd etilgan.
Izoh (0)