Навоий вилоятида сувдан ноқонуний фойдаланган фуқаро бир йилга озодликдан чекланди ва қарийб 70 миллион сўм жаримага тортилди.
Айтилишича, Навоий вилоятида “Табиат” фермер хўжалиги раҳбари сифатида фаолият юритиб келган А.Ж. фермер хўжалигига қарашли балиқхона объектида тегишли шартнома тузмасдан, Д-40 ммли сув тармоғига ўзбошимчалик билан уланган ҳолда ичимлик сувидан ноқонуний фойдаланиб келгани аниқланди.
Жиноят ишлари бўйича Қизилтепа туман суди томонидан судланувчи Жиноят кодексининг тегишли моддасида назарда тутилган жиноятни содир қилганликда айбдор деб топилиб унга 1 йил муддатга озодликни чеклаш ҳамда “Навоий сув таъминоти” МЧЖ манфаатларига 69 169 500 сўм ундириш жазоси тайинланди.
Фермер хўжалиги раҳбари томонидан “Навоий сув таъминоти” МЧЖга ичимлик суви хизматлари учун етказилган зарар миқдори 8 185 74 м3 ни ташкил этиши қайд этилган.
Изоҳ (0)