UFC jangchisi Derrik Lyuis mashinasida tezlikni oshirgani uchun hibsga olindi.
Voqea 25-oktyabr kuni Hyustonda sodir bo‘lgan. 38 yoshli jangchining Lamborghini’si maksimal tezlik soatiga 50 mildan oshishi kerak bo‘lmagan joyda soatiga 136 mil tezlikda harakatlangan.
Lyuisning sudi 27-dekabr kuni bo‘lib o‘tadi. Xabarlarga ko‘ra, hozirda Derrik ozodlikka chiqarilgan.
Qayd etib o‘tish joiz, 38 yoshli sportchi 4-noyabr kuni UFC Fight Night 221 doirasida (Braziliya, San-Pauluda) Jailton Almeydaga qarshi jang qiladi.
Eslatib o‘tamiz, Derrik Lyuis avgust oyida promoushen bilan shartnomasini uzaytirdi.
Derrik Lyuis MMA’da 39 ta jang o‘tkazgan va undan 27 tasida g‘alaba qozongan.