UFC jangchisi Jon Jons jarohat oldi va UFC 295 turnirida ishtirok etmaydi.
Bu haqida UFC prezidenti Dana Uayt ma’lum qildi. Jons mashg‘ulotlar vaqtida jarohat olgan. Uaytning aytishicha, Jons operatsiya qilinadi va uning tiklanishi uchun 8 oy vaqt kerak bo‘ladi.
Jon Jons UFC 295 turnirida superog‘ir vazn toifasidagi kamarini Stipe Miochichga qarshi jangda himoya qilishi kerak edi. Bu qarama-qarshilik turnirning asosiy jangi bo‘lishi lozim edi. Miochich boshqa raqib bilan urishmasligini aytib o‘tgan.
Hozirda UFC Sergey Pavlovich va Tom Aspinall o‘rtasida vaqtinchalik chempionlik jangini belgiladi. UFC 295 turniri 11-noyabr kuni Nyu-Yorkda bo‘lib o‘tadi.
Izoh (0)