Футбол бўйича Ўзбекистон Суперлигасининг 23-турида “Бунёдкор” 28 октябрь, шанба куни “Нефтчи”ни қабул қилди.
Учрашувнинг 27-дақиқасида Диёр Туропов қизил карточка олиб, майдонни тарк этди. Қолган дақиқаларда фарғоналиклар бир киши кам бўлиб ўйнади. Биринчи бўлимда дарвозалар ишғол этилмади.
Иккинчи бўлимда Жасурбек Ҳакимов ҳисобни очди. Орадан 4 дақиқа ўтиб, Зоир Жўрабоев мувозанатни тиклади. 81-дақиқада Шоҳруҳ Абдураҳмонов ҳам қизил карточка олди. Ҳакам қўшиб берган дақиқаларда Умидбек Султонов “Бунёдкор”га ғалаба келитрувчи гол муаллифига айланди.
Шу тариқа “Бунёдкор” 31 очко билан 8-ўринда бормоқда. “Нефтчи” эса 38 очко билан 5-ўриндан жой олди.
Суперлига
23-тур
28-октябрь, шанба
“Бунёдкор” – “Нефтчи” 2:1
Голлар: 1:0 — 54 Жасурбек Ҳакимов, 1:1 — 58 Зоир Жўрабоев, 2:1 — 90+8 Умидбек Султонов.
“Бунёдкор”: 71. Сарвар Каримов, 2. Алексей Носко, 3. Маҳмуджон Маҳамаджонов (45. Фарҳод Ўткиров, 77), 4. Давронжон Эргашев, 6. Авазбек Ўлмасалиев (19. Билол Туплиев, 46), 8. Шоҳруҳбек Абдураҳмонов, 10. Расул Йўлдошев (99. Умидбек Султонов, 85), 11. Игор Иванович (22. Усмонали Исмоналиев, 77), 15. Жасурбек Ҳакимов, 29. Музаффар Олимжонов, 30. Велингтон Таира.
“Нефтчи”: 12. Владимир Назаров, 2. Зоир Жўрабоев, 7. Умар Адҳамзода, 19. Мирзоҳид Ғофуров (13. Лутфулла Тўраев, 75), 20. Анваржон Ғофуров, 21. Муҳсинжон Убайдуллаев, 22. Гиоргий Никабадзе (9. Улуғбек Ҳошимов, 62), 23. Диёржон Туропов, 24. Ғулом-Ҳайдар Ғуломов, 28. Фозил Мусаев (70. Аббосжон Ғуломов, 46), 77. Билолхон Тошмирзаев.
Огоҳлантиришлар: Игор Иванович (7), Анваржон Ғофуров (20), Авазбек Ўлмасалиев (32), Маҳмуд Маҳамаджонов (45+4), Умар Адҳамзода (47), Шоҳруҳ Абдураҳмонов (62), Жасур Ҳакимов (79), Усмонали Исмоналиев (81).
Четлатишлар: Диёржон Туропов (27), Шоҳруҳ Абдураҳмонов (81).
Изоҳ (0)