YCHL. “Barselona” o‘zida “Shaxtyor” ustidan g‘alaba qozondi (video)

Futbol bo‘yicha Yevropa Chempionlar Ligasi guruh bosqichi 3-turida “Barselona” 25-oktyabr, chorshanba kuni “Shaxtyor”ga qarshi bahs olib bordi.

Uchrashuvning 28-daqiqasida Ferran Torres hisobni ochdi. Oradan 8 daqiqa o‘tib, Fermin Lopes jarima maydoni tashqarisidan zarba berib, darvozani ishg‘ol qildi. 

Ikkinchi bo‘limda ukrainaliklar ham to‘pga egalik qila boshladi. Bir qancha hujumlardan so‘ng “Shaxtyor” hisobni qisqartirishga muvaffaq bo‘ldi. 62-daqiqada Georgiy Sudakov o‘z hisobiga gol yozdirib qo‘ydi. 

Qolgan daqiqalarda darvozalar ishg‘ol etilmadi va kataloniyaliklar g‘alaba qozondi.

Xavi shogirdlari ushbu muvaffaqiyatdan so‘ng ochkolari sonini 9 taga yetkazib, H guruhi peshqadami bo‘lib turibdi. 

YCHL

3-tur

25-oktyabr, chorshanba

“Barselona” – “Shaxtyor” 2:1

Gollar: 1:0 – 28 Ferran Torres, 2:0 – 36 Lopes, 2:1 – 62 Sudakov.

“Barselona”: ter Stegen, Joau Kanselu, Martines (Kristensen, 82), Arauxo, Alonso (Balde, 70), Gundo‘g‘an, Romeu, Lopes (Kasado, 82), Joau Feliks (Giu, 75), Ferran Torres, Yamal.

“Shaxtyor”: Riznik, Konoplya, Matvienko, Bondar, Azarov, Stepanenko, Zubkov, Kriskiv (Neverton, 63), Sudakov, Bondarenko, Sikan (Kelsi, 70).

Ogohlantirishlar: Ferran Torres (43), Kriskiv (50), Konoplya (72), Balde (75), Bondar (87).