Samarqand viloyati Nurobod tumanidagi maktabda rag‘batlantirish va moddiy yordam pullari noto‘g‘ri sarflangani aniqlandi. Bu haqda viloyat Maktabgacha va maktab ta’limi boshqarmasi axborot xizmati xabar berdi.
Xabarga ko‘ra, viloyat Davlat moliyaviy nazorati boshqarmasi tomonidan o‘tkazilgan o‘rganishda Nurobod tumanidagi 67-umumta’lim maktabining 14 nafar pedagog xodimiga 2022-yil yanvar oyidan 2023-yilning sentyabr oyiga qadar 37 million 060 ming so‘m rag‘batlantirish va moddiy yordam pullarini Vazirlar Mahkamasining 2019-yil 30-sentyabrdagi 823-sonli qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi nizom talablariga zid ravishda to‘lab berilgani aniqlangan.
Hozirgi kunda Nurobod tumanidagi 67-umumta’lim maktabida aniqlangan kamchiliklar yuzasidan Nurobod tumani prokuraturasi tomonidan dastlabki tergov harakatlari o‘tkazilmoqda. O‘rganish natijalari bo‘yicha batafsil ma’lumot beriladi.
Izoh (0)