18-oktyabr, chorshanba kuni AQSH Yadro xavfsizligi milliy boshqarmasi Nevada shtatidagi yadroviy poligonda yerosti kimyoviy portlash sodir etganini ma’lum qildi.
Sinovning maqsadi “AQSHning butun dunyo bo‘ylab kuchsiz yadroviy portlashlarni aniqlash qobiliyatini oshirish” ekani aytilgan.
Yadro xavfsizligi milliy boshqarmasi direktor o‘rinbosari Kori Xindershteynning aytishicha, bu kabi tajribalar “AQSHning yadroviy qurollarni tarqatmaslik maqsadlarini qo‘llab-quvvatlash uchun yangi texnologiyalarni ishlab chiqish bo‘yicha harakatlarini ifodalaydi”.
“Bu sinovlar yerosti yadroviy sinov portlashlarini aniqlashni yaxshilash orqali global yadro tahdidlarini kamaytirishga yordam beradi”, — dedi Xindershteyn.
Izoh (0)