Namangan viloyati Uchqo‘rg‘on tumanidagi xususiy bog‘chada suv taʼminoti xodimlari kaltaklandi. Bu haqda “Bu kun” dasturida xabar berildi.
Maʼlum qilinishicha, voqea ichimlik suvidan 3 million so‘mga yaqin qarzdor bo‘lgan tumandagi “Baxtli avlod” xususiy maktabgacha taʼlim tashkilotida sodir bo‘lgan. Ushbu mablag‘ni to‘lashni talab qilib kelgan suv taʼminoti korxonasi xodimlari bog‘cha rahbariyati tomonidan kaltaklangani aytilgan.
Xodimlar bosh, bo‘yin va qorin qismlarida og‘riq bilan tuman tibbiyot birlashmasi tez yordam bo‘limiga olib kelingan. Ish beruvchi tashkilot o‘z xodimlariga ko‘rsatilgan g‘ayriqonuniy harakatlar bo‘yicha baho berishni so‘rab huquq idoralariga murojaat qilgan.
Izoh (0)