Isroil Mudofaa kuchlari Bosh shtabi boshlig‘i general-leytenant Gertsi Halevi HAMAS harakati bilan urush uzoq va qiyin bo‘ladi, deb hisoblaydi. Unga ko‘ra, 7-oktyabr kuni HAMASning zarbasidan so‘ng Isroil harbiylari tashabbusni o‘z qo‘liga olgan.
“Urush og‘ir va uzoq davom etadi va Isroil unda g‘alaba qozonadi”, — dedi Gertsi Halevi Isroil armiyasiga yo‘llagan murojaatida.
“Biz dushmanning infratuzilmasi va rahbariyatiga zarar yetkazdik, u katta yo‘qotishlarga uchradi. Biz zarba qabul qildik va buning uchun javobgarlikni o‘z zimmamizga olamiz, ammo endi tashabbus o‘z qo‘limizda”, — deyiladi murojaatda.
7-oktyabr kuni ertalab HAMAS jangchilarning Isroil hududlariga hujumi bilan boshlangan urush o‘n kundan beri davom etmoqda. So‘nggi ma’lumotlarga ko‘ra, shu vaqt ichida Isroilda 1,4 ming kishi, G‘azo sektorida esa 3 mingdan oshiq odam halok bo‘lgan.
Izoh (0)